HR-MBA Proqramı

HR Option > HR-MBA Proqramı

HR-MBA proqramı necə keçir?

SAAT

MODUL

SUBMODUL

Real biznesdə tətbiq et, daha yaxşı öyrən

● Qlobal və ölkə təcrübəsinin sinxronlaşmış qaydada praktik əsaslarla tədrisi
● Müasir İnsan Resursları nəzəriyyələri və Əmək Qanunvericiliyinin bir arada təqdim edilməsi
● İnsan Resursları peşəkarından tələb olunan kompleks bacarıqlara qısa zamanda yiyələnmək
şansı
● Xüsusi LMS (Öyrənmə İdarəetmə Sistemi) üzərində iştirakçılara fərdi səhifələrin verilməsi
● İştirakçı nəticələri üzrə məxfiliyin qorunması
● Dərs vəsaitlərinə dərslərdən sonra da əlçatanlıq
● Modullar üzrə praktik ev tapşırıqları, quiz-lər, fərdi və qrup çalışmalarının keçirilməsi
● İmtahanların elektronlaşdırılması və imtahan bitdikdən sonra nəticələrin dərhal verilməsi
● Keçirilən dərslərin tətbiqi üçün proses avtomatlaşmasının öyrədilməsi
● Dərsləri daha yaxşı mənimsəmə üçün iştirakçılara mentorların təyini
● Proqramda fərqlənərək HR Option referansını qazanmaq şansı

Qeydiyyat Formu

Ətraflı məlumat

PROQRAM HAQQINDA

Proqramın məqsədi

HR MBA Öyrənmə Proqramı iştirakçılarda İnsan Resursları sahəsində kompleks bilik və bacarıqlar formalaşdırmaq, onların nəzəri biliklərinin praktiki tətbiqi boşluğunu doldurmaqla iştirakçıların karyera inkişafına yardımçı olmaqdır.

Proqramın iştirakçıları

İnsan resursları sahəsində ixtisaslaşmaq istəyən tələbələr, başqa sahələrdən bu sahəyə keçmək istəyən şəxslər, hal-hazırda İR sahəsində çalışan və sahənin artan tələblərinə cavab verərək rəqabətli əmək bazarında mövqeyini gücləndirmək və karyera yüksəlişi əldə etmək istəyən peşəkarlar.

Proqramın tərkibi: Öyrənmə Proqramı 4 modul və 20 sub-moduldan ibarətdir.

Modullar və sub-modullar:

№	Modulun adı	* Qiymətləndirmə ağırlığı	Tədris saatı	Submodulun adı
1	İnsan Resurslarının İdarə Edilməsi	30%	34	• İnsan Resursları Planlaması • İşə qəbul və Yerləşdirmə • Öyrənmə və İnkişaf • Performansın idarə edilməsi • Karyeranın idarə edilməsi • Əməyin ödənilməsi
2	Əmək Qanunvericiliyi Çərçivəsində Kadr İnzibatçılığının İdarə Edilməsi (Kadr kargüzarlığı və əmək haqqının hesablanması)	25%	20	• İşə Qəbul • İşdən azadetmə • İş və istirahət vaxtı • Əməyin ödənilməsi • İşçilərin təminatları və təminatların pozulmasına qarşı tədbirlər • Dövlət qurumları ilə qarşılıqlı münasibətlər
3	İnsan Resursları Proseslərinin Avtomatlaşdırılması	20%	18	• Datanın daxil edilməsi • Emal • Nəticələrin əks olunması
4	İnsan Resursları Sistemlərinin Qurulması	25%	16	• İnsan Resursları Planlaması • İşə qəbul • Performansın Qiymətləndirilməsi • Əməyin ödənilməsi • Prosedurların hazırlanması

* İştirakçının hər modul üzrə cədvəldə qeyd olunan müvafiq qiymətləndirmə ağırlığından çox olmayaraq əldə etdiyi faizlər sonda toplanır və iştirakçıya bu nəticəyə müvafiq diplom və ya sertifikat təqdim edilir.

Proqramın müddəti: 5 ay / 90 saat

Tədris tezliyi: Həftədə 2 gün / 4 saat

Tədris saatları: 20:00-22:00

Tədris formatı: Onlayn – Google meet platforması və hazırlanmış xüsusi LMS (Öyrənmə İdarəetmə Sistemi) üzərindən

Tədris metodikası: Təqdimatlar, İnteraktiv müzakirələr, Fərdi tapşırıqlar, Qrup işləri, Sub-modul və modul yoxlama testləri, İR əməliyyatların yerinə yetirilməsi və sistemlərin 0-dan yığılmasına dair tapşırıqlar

Tədris materialları: Təqdimat və paylama materialları, İnsan Resurslarının İdarə Edilməsi Tədris vəsaiti, Əmək Məcəlləsi, Əmək Qanunvericiliyi dair materiallar toplusu, onlayn sistemlər

Mükafatlandırma: Topladıqları ümumi baldan asılı olaraq hər modul üzrə tədris sessiyalarının ən azı 2/3-ə qatılan iştirakçılara aşağıdakı diplom və sertifikatlar təqdim ediləcəkdir:

• 90%-dən yuxarı – Fərqlənmə diplomu
• 75%-89% – Müvəffəqiyyət diplomu
• 50%-74% – Diplom
• 49%-dən aşağı – İştirakçı sertifikatı

Proqramda fərqlənən iştirakçılar müxtəlif şirkətlərdə müvafiq İR vakansiyaları yarandıqca onlara iş üçün tövsiyyə edilə bilər.

TƏDRİS PROQRAMI

TƏDRİS PROQRAMI PDF

PROQRAM TƏLİMATÇILARI

HR MBA Öyrənmə Proqramı HR Option şirkətinin təsisçisi və direktoru Xəqani Səfərovun rəhbərliyi ilə həmin modullar üzrə ixtisaslaşmış, idarəetmə sahəsində yerli və xarici ali məktəblərdə bakalavr və magistr dərəcəsi almış şirkət əməkdaşları, həmçinin digər şirkətlərdən dəvət olunmuş İR peşəkarları tərəfindən keçirilir.

Xəqani Səfərov

Azərbaycan Respublikası Prezidenti yanında Dövlət İdarəçilik Akademiyasında menecment ixtisası üzrə bakalavr, Azərbaycan Dövlət İqtisad Universitetində strateji idarəetmə üzrə magistr dərəcəsi almışdır. Azərbaycan Respublikası Prezidenti yanında Dövlət İdarəçilik Akademiyasında insan resurslarının idarə edilməsi fənnini tədris etmişdir. İdarəetmə sahəsindəki iş həyatına 2012-ci ildə Ulduz Şokalad Fabrikində İnsan Resursları şöbəsində başlamışdır.
Araz Retail MMC-də təlim, inkişaf və işə qəbul şöbəsinin müdiri və İR
departamentinin direktoru, Oba Pərakəndə şəbəkələrinin insan resursları üzrə rəhbəri, Gilan FMCG Ticarət və Distribusiya Qrupunun İR meneceri, Gilan Holding baş ofisinin insan resursları əməliyyatları üzrə meneceri, Avrora Şirkətlər Qrupunun İR və Təşkilati İnkişaf üzrə direktoru və müşahidə şurasının üzvü vəzifələrində çalışmışdır. 2018-ci ildə HR Option şirkətini təsis etmiş və şirkət direktoru vəzifəsini icra etməyə başlamışdır.

Cəmil Hüseynov

Azərbaycan Dillər Universitetində Amerikaşünaslıq ixtisası üzrə bakalavr, Azərbaycan Universitetində ABŞ-ın Corciya Dövlət Universiteti ilə birgə reallaşdırılan MBA proqramı üzrə magistr dərəcəsini almışdır. Xaricdə Təhsili üzrə Dövlət Proqramının təqaüdünü qazanaraq 2015-2016-cı illərdə Macarıstanın Beynəlxalq Biznes Məktəbində tədrisi Böyük Britaniyanın Bukingem Universiteti ilə ikili diplom proqramı əsasında həyata keçirilən İnsan Resurslarının İdarə Edilməsi ixtisası üzrə təhsil almış,
Bukingem Universitetinin magistr dərəcəsini qazanmışdır. İdarəetmə sahəsində fəaliyyətə 2009-cu ildə Azərbaycan Tələbə Gənclər Təşkilatları İttifaqında başlamış, İttifaqın İnsan Resursları bölməsinə, müxtəlif sosial layihələr və tədbirlərin həyata keçirilməsinə rəhbərlik etmişdir. 2016-cı ildən Bakı Şəhər Halqası Əməliyyat Şirkəti, Gilan İndustrial Group, Gilan Holdinq baş ofislərinin İnsan Resursları departamentlərində çalışmışdır. 2018-ci ildən etibarən HR Option şirkətinin İR layihələri üzrə meneceri vəzifəsini icra edir.

Mübariz Şahbazlı

İqtisad Universitetinin Türk Dünyası İşlətmə fakültəsində Biznesin Təşkili və İdarə Edilməsi ixtisası üzrə bakalavr təhsili almışdır. 2016-2018-ci illərdə Azərbaycan Respublikası Kənd Təsərrüfatı Nazirliyinin təqaüdü ilə ADA Universitetinin MBA proqramında təhsil almış və magistr dərəcəsini qazanmışdır. Beynəlxalq İnsan Resursları Sertifikasiya İnstitutunun (HRCI) PHRi peşəkarlıq kvalifikasiyasının sahibidir. İnsan Resurslarının İdarə Edilməsi sahəsində fəaliyyətə 2014-cü ildə Səhliyalı Kiçik Müəssisəsində Əmək haqqı mütəxəssisi olaraq başlamışdır. Daha sonra fəaliyyətini Gilan Holding baş ofisinin İR departamentində insan resursları üzrə mütəxəssis kimi davam etdirmişdir. 2019-cu ildən etibarən HR Option şirkətinin İR layihələri üzrə koordinator vəzifəsini icra edir. Müxtəlif yerli və xarici platformalarda idarəetmə sahəsində məqalələri çap edilmişdir.

Orxan Məmmədov

Azərbaycan Respublikasının Prezidenti yanında Dövlət İdarəçilik Akademiyasında Beynəlxalq münasibətlər üzrə bakalavr təhsili almışdır. Təhsil aldığı dövrdə müxtəlif layihələrdə iştirakçı və təlimçi qismində iştirak etmişdir. 2016-cı ildə Milli Debat Proqramının meneceri olaraq fəaliyyət göstərmişdir. 7 illik təlimçilik təcrübəsində yüzlərlə tələbəyə, şagirdə müxtəlif mövzularda təlimlər keçmişdir. 2018-ci ildən etibarən Veysəloğlu Şirkətlər Qrupunda çalışmağa başlamış, hal-hazırda həmin şirkətin İnsan Resursları Direktorluğunda Təlim və İnkişaf Şöbə müdiri olaraq fəaliyyətinə davam etməkdədir. İnsan resursları üzrə SHRM-CP beynəlxalq kvalifikasiyasına sahibdir.

Fərhad Orucov

Azərbaycan Dövlət İqtisad Universitetində Biznes Təşkili və İdarə Edilməsi ixtisası üzrə bakalavr, Türkiyənin Sakarya Universitetində Menecment / İnsan Resurslarının İdarə Edilməsi ixtisası üzrə magistr dərəcəsinə yiyələnmişdir. İnsan Resurslarının İdarə Edilməsi sahəsində fəaliyyətə 2016-cı ildə Veysəloğlu Şirkətlər Qrupunda İR biznes tərəfdaş vəzifəsində başlamışdır. Daha sonra 166 Yükdaşıma və Logistika şirkətində insan
resursları üzrə şöbə müdiri vəzifəsində karyerasını davam etmişdir. Hal-hazırda SOCAR baş ofisinin Karyera Planlama və Personalla Əlaqələr şöbəsində insan resursları üzrə aparıcı mütəxəssis vəzifəsində çalışır. Karyerası müddətində pərakəndə, istehsalat, logistika, neft-qaz sektorlarında dəyişikliklərin idarə olunması, sistem quruculuğu, optimallaşdırma istiqamətlərində ciddi təcrübələr qazanmışdır.
“Azərbaycanda müsahibələrdə bədən dili hərəkətlərinin təsiri mövzusunda elmi işin müəllifidir.

Mehman Heydərov

Azərbaycan Dövlət İqtisad Universitetində (UNEC) İqtisadiyyat üzrə bakalavr təhsili almışdır. Xaricdə Təhsili üzrə Dövlət Proqramının təqaüdünü qazanaraq 2014-2015-ci illərdə Böyük Britaniyanın Nyukasl Universitetində təhsil almış, İnsan Resurslarının İdarə Edilməsi ixtisası üzrə magistr dərəcəsi əldə etmişdir. Chartered MCIPD (insan resursları üzrə) və CPTD (istedadların inkişafı üzrə) kvalifikasiyalarının sahibidir. UNEC MBA proqramında müəllim kimi fəaliyyət göstərir. 9 illik təlimçi təcrübəsi və qlobal dərəcəyə malikdir. İnsan Resurslarının İdarə Edilməsi sahəsindəki fəaliyyətinə 2013-cü ildə FINCA Azərbaycan təşkilatında başlamış və İR layihələr və təlim üzrə koordinator kimi çalışmışdır. Fəaliyyətini Bank of Baku-da davam etdirmiş və İR idarəetmə şöbəsinin rəhbəri vəzifəsinə yüksəlmişdir. Daha sonra Kapital Bank-da təlim və inkişaf şöbəsinin rəisi vəzifəsində çalışmışdır. Hazırda SOCAR AQŞ şirkətində Təlim və İnkişaf Departamenti rəhbəri olaraq çalışır. İnsan kapitalı, təşkilati inkişaf və liderliyin təkmilləşdirilməsi üzrə ekspertdir.

Vüsal Həmidov

Bakı Dövlət Universitetində Turizm və Otelçilik ixtisası üzrə bakalavr dərəcəsinə yiyələnmişdir. İnsan Resurslarının İdarə Edilməsi sahəsində fəaliyyətə Gilan Holdinq daxilində Qafqaz Otelləri Qrupunda İR inzibati işçi vəzifəsində başlamış, daha sonra İR üzrə mütəxəssis vəzifəsində karyerasını davam etdirmişdir. Bundan sonra Chenot Palace Hotel şirkətində insan resursları üzrə mütəxəssis vəzifəsində və Professional Support Center MMC-də İR Menecer vəzifəsində çalışmış və işlədiyi müddət ərzində turizm və istehsalat sahələrində fəaliyyət göstərən 9 müəssisədə kadr kargüzarlığı sistemlərinin qurulması prosesində idarəçi qismində iştirak etmişdir. Hal-hazırda HR Option şirkətində İnsan Resursları əməliyyatları üzrə menecer vəzifəsində çalışır. Karyerası müddətində İR əməliyyatlarının idarə edilməsi, əcnəbi əməkdaşlarla əmək münasibətlərinin rəsmiləşdirilməsi, sistem quruculuğu, əməliyyatların optimallaşdırılması istiqamətlərində ciddi təcrübələr qazanmışdır.

ÖDƏNİŞ ŞƏRTLƏRİ

Proqramın qiyməti: 890 / 990 / 1090 AZN

Ödəniş növləri:

• Birdəfəlik ödəniş – məbləğ tam şəkildə əvvəlcədən ödənilir (nağd və ya *taksit kartları ilə)

• Hissəli ödəniş – 1 ilkin ödəniş və 4 aylıq ödənişdən ibarət olmaqla (maksimum 5 hissəyə bölünməklə) hər növbəti ay üçün əvvəlcədən ödənilir

Endirimlər:

15.07.2022 tarixədək qeydiyyatdan keçib həmin tarixədək ödəniş edilərsə:
• birdəfəlik – 890 AZN (200 AZN endirim edilir)
• hissəli – 990 AZN (100 AZN endirim edilir)

15.07.2022 tarixədən sonra qeydiyyatdan keçib ödəniş edilərsə:
• birdəfəlik – 990 AZN (100 AZN endirim edilir)

Qeyd 1: *Taksit kartları – Bir kart,Tam kart, Bol kart və Albalı kartla 2, 3, 6 və 9 hissəli ödəniş mümkündür.

Qeyd 2: Taksit kartları ilə ödəniş istisna olmaqla ödənişlərdə Kişi kartı sahiblərinə 5% cashback verilir.

Hissəli ödəniş:

MƏBLƏĞ	İLKİN ÖDƏNİŞ	II ÖDƏNİŞ	III ÖDƏNİŞ	IV ÖDƏNİŞ	V ÖDƏNİŞ
990	230	190	190	190	190
1090	250	210	210	210	210

QEYDİYYAT

TEZ-TEZ VERİLƏN SUALLAR VƏ CAVABLARI

FAQ

Proqram hansı dildə həyata keçirilir?

Azərbaycan dili

Proqramın qiyməti nə qədərdir?

Proqramın qiyməti 1090 AZN-dir.

Proqrama hər-hansı bir endirim varmı? Varsa nə qədərdir və hansı şərtlərlə endirim əldə etmək mümkündür?

İştirakçılara aşağıdakı hallarda endirimli qiymət təklif edilir:

Endirimlər:

• 15.07.2022 tarixədək qeydiyyatdan keçib həmin tarixədək ödəniş edilərsə:

•Tam (birdəfəlik) ödəniş üçün – 200 AZN endirim edilir (endirimdən sonrakı qiymət – 890 AZN)
•Hissəli ödəniş üçün – 100 AZN endirim edilir (endirimdən sonrakı qiymət – 990 AZN)

• 15.07.2022 tarixindən sonra qeydiyyatdan keçib ödəniş edilərsə:

Tam ödəniş üçün – 100 AZN endirim edilir (endirimdən sonrakı qiymət – 990 AZN)

Taksit kartları – Bir kart,Tam kart, Bol kart və Albalı kartla 2, 3, 6 və 9 hissəli ödəniş mümkündür. Bu tam (birdəfəlik) ödəniş sayılır və tam ödəniş üçün nəzərdə tutulan endirim şərtləri bu cür ödənişə də şamil olunur.

Proqram nə vaxt start götürür?

HR MBA proqramına 2022-ci ilin sentyabr ayının 24-dən etibarən başlamaq planlaşdırılır.

Proqram nə qədər davam edəcək? Sessiyalar hansı günlərdə və saatlarda keçirləcək?

Proqramın 5 ay (90 saat) davam etməsi nəzərdə tutulur. Sessiyalar həftədə 2 dəfə, saat 20:00-22:00 arasında onlayn formada keçiriləcəkdir.

Proqram İnsan Resurslarının İdarə Edilməsinin hansı sahələrini əhatə edir:

HR MBA proqramı İR idarəetməsinin həm ayrı-ayrı modullarını (İR Planlama, İşə Qəbul, Öyrənmə və İnkişaf, Performansın İdarə Edilməsi, Karyeranın İdarə Edilməsi, Əməyin Ödənilməsi), həm də Əmək Qanunvericiliyini əhatə edir. Bununla yanaşı İR Proseslərinin Avtomatlaşdırılması və İR Sistemlərinin Qurulması da 0-dan iştirakçılara öyrədilir. Proqramın mövzuları ilə “Tədris Proqramı” bölməsində ətraflı tanış ola bilərsiniz.

Sessiyalar harada tədris olunacaqdır?

Proqram Google meet platforması üzərindən onlayn formada tədris olunacaq. İnternet şəbəkəsinin mövcud olduğu istənilən yerdən (şəhər, rayon, kənd, qəsəbə, həmçinin ölkə xaricindən) proqrama qoşulmaq mümkündür.

Proqramı uğurla bitirən iştirakçılara HR Option tərəfindən hər-hansı karyera imkanları yaradılırmı?

Proqramı uğurla və yaxşı nəticələrlə başa vuran iştirakçıların başqa şirkətlərə iş üçün tövsiyyə edilməsi mümkündür.

Proqramın kimlər tərəfindən tədris edilir?

Proqramın müvafiq modulları şirkətin təsisçisi və direktoru Xəqani Səfərovun rəhbərliyi ilə həmin modullar üzrə ixtisaslaşmış, idarəetmə sahəsində yerli və xarici ali məktəblərdə bakalavr və magistr dərəcəsi almış şirkət əməkdaşları, həmçinin digər şirkətlərdən dəvət olunmuş İR peşəkarları tərəfindən keçirilir. Proqram təlimatçıları bölməsində həmin şəxslərlə bağlı daha ətraflı məlumat ala bilərsiniz.

Proqramdakı mövzuları istəyə özəl ixtisar etmək imkanı varmı? İştirakçı qatılmaq istəmədiyi mövzuları çıxara bilərmi?

Proqram beynəlxalq və yerli təcrübələri, işəgötürənlərin əməkdaşlardan insan resursları üzrə səriştə tələblərini, sahə üzrə çalışan və çalışmaq istəyən şəxslərin baza ehtiyaclarını nəzərə alaraq hazırlanmışdır. Təəssüf ki, proqramdakı mövzuların iştirakçı istəyinə özəl ixtisarı mümkün deyil.

Proqrama müəyyən hissədən qoşulmaq/çıxmaq imkanları varmı? Varsa, bu ödənişə necə təsir edir?

Təəssüf ki, proqrama sonradan və hər-hansı bir hissədən qoşulmaq mümkün deyil. Proqram kompleks şəkildə təqdim olunur və iştirakçıların proqramın başlama vaxtından etibarən sessiyalara qoşulması nəzərdə tutulur. Proqramdan istənilən an çıxmaq mümkündür, bu halda proqramın ödənişi iştirakçı tərəfindən tam şəkildə ödənilir.

Üzrlü səbəbdən müəyyən sessiyaları buraxmış şəxslər üçün bu sessiyalar hər-hansı bir şəkildə kompensasiya olunurmu? Kompensasiya olunursa, şərtləri necədir?

Üzrlü səbəblərdən müəyyən sessiyaları buraxmış iştirakçılar üçün tədrisin kompensasiya olunması yalnız növbəti proqrama start verildikdə proqramın imkanları yetərli olduğu təqdirdə mümkün ola bilər.

İştirakçının proqramı mənimsəməsi necə yoxlanılır? Aralıq dəyərləndirmələr olurmu? Dəyərləndirmələr necə aparılır, iştirakçının yekun nəticəsinə hansı təsirləri göstərir?

Proqramın mənimsənilməsi hər bir sub-modul və modul sessiyaları ərzində təqdim edilən yazılı yoxlama sualları, tapşırıqlar, qrup işi, fərdi ev tapşırıqlarının yoxlanması və nəticəyə müvafiq balların verilməsi ilə qiymətləndirilir. Qeyd edək ki, hər bir modul üzrə toplanan ballar modul üzrə təyin olunmuş qiymətləndirmə ağırlığına vurulmaqla həmin modul üzrə mənimsəmə faizi, bütün modullar üzrə mənimsəmə faizi toplanaraq proqramı mənimsəmə faizi tapılır. Proqramı mənimsəmə faizindən asılı olaraq iştirakçıya “Fərqlənmə diplomu”,”Müvəffəqiyyət diplomu”,”Diplom” və ya “İştirakçı Sertifikatı” təqdim edilir.

Haqqımızda

HR Option platforması – ölkədə Biznes və İnsan Resursları fəaliyyətlərinin effektivləşdirilməsi, sistemləşdirilməsi və avtomatlaşdırılması istiqamətləri üzrə xidmətlər göstərməkdədir.

Fərqli sektorlar üzrə bilik və təcrübələrə sahib peşəkar komandası ilə HR Option şirkəti biznes proseslərinin, həmçinin İnsan Resursları fəaliyyətlərinin tənzimlənməsi, düzgün və effektiv iş axışlarının qurulması, proseslərin avtomatlaşdırılması və müasir insan resursları metodlarının tətbiqi, hesabatlılıq proseslərinin təkmilləşdirilməsi fəaliyyətləri üzrə dəyər yaratmaqdadır.

Bazarın dəyişən şərtləri və tələblərinə uyğun olaraq dəyişimə getmək istəmiş birçox şirkətlərin uğur hekayəsində əvəzsiz xidmətləri olmuş HR Option şirkəti hər zaman daha yaxşı bir həll yolu təklif etməkdədir.