Avtomatlaşmış Kadr Sənədləşməsi təlimi

Avtomatlaşmış Kadr Sənədləşməsi təlimi yerli əmək qanunvericiliyi çərçivəsində kadr kargüzarlığı işinin sistemli təşkili, əmr, ərizə, bildiriş, statistik hesabatlar və digər kadr sənədlərinin minimum xəta və bir neçə saniyə ərzində hazırlanması və arxivlənməsi üçün praktik bilik və bacarıqlar qazandıran tədris proqramıdır.

Təlim boyunca iştirakçılar kadr sənədləşməsi prosesini “əllə hazırlamaq” yanaşmasından çıxarıb, cədvəllər, qovluqlar və inteqrasiyalar üzərindən işləyən avtomatlaşdırılmış kadr kargüzarlığı sistemi qurmağı addım-addım öyrənirlər.

• Proqram tərkibi: 4 modul + yekun tapşırıq
• Fokus: Kadr sənədlərinin avtomatik hazırlanması və arxivləşdirilməsi
• Nəticə: Avtomatlaşdırılmış kadr kargüzarlığı sisteminin qurulması

Təlimin üstünlükləri və faydaları

• Bir neçə saniyə ərzində kadr əməliyyatları sənədlərini hazırlayan avtomatlaşdırılmış sistemlərin qurulmasının öyrədilməsi
• Biliklərin case-tapşırıq və simulyasiyalarla möhkəmləndirilməsi
• İştirakçılara onlayn fərdi səhifələrin verilməsi və iştirakçı nəticələri üzrə məxfiliyin qorunması
• Kadr inzibatçısından tələb olunan sürətli və sistemli işləmək vərdişlərinə yiyələnmək şansı
• Proqramda fərqlənərək HR Option referansını qazanmaq şansı
• Dərslərin videoyazılarının təqdim edilməsi

Təlim proqramının tərkibi

Təlim 4 modul və yekun tapşırıqdan ibarətdir. Proqramın məqsədi kadr sənədlərinin yaradılması, təsnifatlaşdırılması, inteqrasiyası və nəticələrin avtomatik əldə olunması mərhələlərini iştirakçıya praktik şəkildə öyrətməkdir.

• Giriş: Avtomatlaşdırma anlayışı, onlayn platformanın iş panelləri və əsas funksiyaları ilə tanışlıq
• Praktiki baza: Cədvəl əməliyyatları (sətir/sütun bərkitmə, çoxseçimli siyahılar, filterləmə, sürətli əməliyyatlar, səhifə idarəetməsi, oflayn yadda saxlama)
• Data qurulması: Baza məlumat cədvəllərinin yaradılması və sənəd qruplarının hazırlanması
• Emal və inteqrasiya: Qovluqların qurulması, mənbə/hədəf fayllar, cədvəllərin mənbə fayllara inteqrasiyası, səlahiyyətlərin verilməsi
• Nəticələrin çıxarılması: Sənədlərin avtomatik hazırlanması, tezliyin aktivləşdirilməsi, seçilmiş və ya bütün sənədlərin hazırlanması, qovluqlara avtomatik yerləşdirilməsi

Öyrəniləcək sənəd qrupları

Təlimdə kadr inzibatçılığında ən çox istifadə olunan sənəd qrupları üzərində praktiki iş aparılır. İştirakçılar sənədləri cədvəl üzərindən idarə etməyi və avtomatik çıxarmağı öyrənirlər.

• Ana siyahı cədvəli
• Əmr cədvəlləri: İşə qəbul və xitam, əmək şəraitinin şərtlərinin dəyişdirilməsi, məzuniyyət, ezamiyyət, ştat vahidinin yaradılması və ləğv edilməsi
• Müqavilə cədvəlləri: Əmək müqaviləsi, tam maddi məsuliyyət müqaviləsi, kommersiya sirrinin qorunması haqqında müqavilə
• Ərizə / bildiriş cədvəlləri: İşə qəbul ərizəsi, işdən azadolunma ərizəsi, ixtisar-xəbərdarlıq bildirişi

Təlimin məqsədi

«Avtomatlaşdırılmış Kadr Sənədləşməsi» təliminin məqsədi yerli əmək qanununvericiliyi çərçivəsində kadr kargüzarlığı işinin təşkilini sistemləşdirmək, əmr, ərizə, bildiriş, statistik hesabatlar və digər sənədlərin minimum xəta ilə və bir neçə saniyə ərzində hazırlanması və arxivlənməsi üzrə bilik və bacarıqlara sahib olan müasir və çevik kadr inzibatçısı formalaşdırmaqdır.

Təlim kimlər üçündür?

• İnsan Resursları əməliyyatları (kadr kargüzarlığı) sahəsində çalışan peşəkarlar
• Sahənin artan tələblərinə daha yaxşı cavab verərək rəqabətli əmək bazarında mövqeyini gücləndirmək istəyənlər
• Karyera yüksəlişi üçün daha sürətli, sistemli və avtomatlaşdırılmış iş yanaşması qurmaq istəyənlər

Qiymətləndirmə və sertifikatlaşdırma

• 90% və yuxarı: Fərqlənmə diplomu
• 75% – 89%: Müvəffəqiyyət diplomu
• 50% – 74%: Diplom
• 49% və aşağı: İştirakçı sertifikatı

Yekun qiymətləndirmə ümumi bala əsaslanır. Diplom və sertifikatlar, təlim sessiyalarının ən azı 2/3-nə qatılan iştirakçılara təqdim edilir.

Yekun tapşırıq

Təlimin sonunda iştirakçılar avtomatlaşdırılmış kadr kargüzarlığı sistemini sıfırdan quraraq yekun tapşırığı tamamlayırlar. Bu tapşırıq proqram boyunca öyrənilən bütün mərhələlərin bir sistem daxilində tətbiqinə əsaslanır.